Лола янги видеоклип суратга олдирмоқда

Латофатли Лола мухлислари учун ажойиб совға тайёрламоқда. Қандай совға дейсизми? Лола бугун янги қўшиғи учун видеоклип суратга олишни бошлади. Тарона "Қайтмайман" деб номланади. Мазкур мусиқий асар учун тасвирга олинаётган клип   такрорланмас сюжетни ўз ичига олган.

Бу сафар у режиссёрлик масъулиятини ҳам ўз зиммасига олди. Сценарий муаллифи ҳам Лола. Ижодий гуруҳга эса хонанда бир неча йил олдин ишлаган ижодкорларни таклиф қилишни лозим топди. Улардан бири Жасур Шаметов. У бу клипда оператор вазифасини бажармоқда.

Бош ролларда эса Умид Искандаров ва Анастасия Ковба. Маълумки, Лола Умид Искандаров билан ҳам ҳамкорликда ишлаган. Бир неча йиллардан сўнг бу актёрни унинг клипида кўрасиз. Тасвирга олиш ишлари бир неча кун давом этади.