Баҳром Назаровдан мухлислари учун баҳорий совға
“Айрилдим” номли қўшиғи билан халқга танилган Баҳром Назаров айни кунда янги яратган ижод маҳсули учун видеоклип яратиш билан банд. Тез кунда мухлисларига тақдим этилиши кутилаётган янги тарона “Кечикиш” деб номланган. Айтиб ўтишимиз лозим, мазкур композиция марҳум санъаткор Муҳриддин Ҳолиқов репертуарига оид бўлиб, мусиқаси муаллифи ҳам айнан шу ижодкорга тегишлидир. Матни эса Маҳтумқули қаламига мансуб.
Мазкур тарона учун Баҳтиёр Турғунов томонидан видеоклип суратга олиниб, айни кунларда монтаж ишлари олиб борилмоқда.
Баҳром Назаровнинг қўшиқларини севиб тингловчи мухлислари учун яна бир баҳорий совға. Яқинда хонанданинг “Кечикиш” номли альбоми кенг оммага тақдим этилганини маълум қиламиз.
Қолаверса, хонанданинг янги видеоклипи намойишини сайтимиз орқали томоша қиласиз, ўтказиб юборманг.