Шоҳруҳхоннинг янги клипи унинг шахсий ҳаёти ҳақида...ми?
Бугун Шоҳруҳхондан эксклюзив равишда янги видеоклипни қарши олинг! Бу шунчаки клип эмас, бу хонанданинг ички оламини ўзида акс эттирган ҳикоядир...
Аслида "Мен сени севаман" номли тарона Шоҳруҳхон ижодидаги энг романтик қўшиқлардан бири бўлиб, кўплаб севишган юракларнинг мадҳиясига айланган. Бу қўшиқ висол оқшомларида ҳам янграб, келин ва куёв рақси унга ҳамроҳлик қилмоқда.
Бугун ана шу қўшиқ учун тайёрланган клип сайтимиз орқали эътиборингизга ҳавола этилмоқда. Узоқ кутилган ва кўплаб сирларни ўзида мужассамлаштирган видео мутлақо янгича йўналишда ва янгича руҳда тайёрланган.
Тимур Примқулов томонидан суратга олинган клип айнан клипмейкер ғояси асосида ўзгача тус олди. Аслида ёз фаслида тасвирга олинган видео қаҳратон қиш фаслида тақдим этилмоқда.
Балки бу клипнинг мухлисларга тақдим этилишида Шоҳруҳхоннинг шахсий ҳаётидаги янгиликлар ҳам сабаб бўлгандир?! Клипда ҳар бир томошабин ўзига яраша хулосага эга бўлиши, қизиқтирган саволига жавоб топиши тайин.
Клипни томоша қила туриб, муҳаббатнинг қудрати фазо каби чексиз, уммон каби соф эканлигига яна бир бор амин бўлишингиз мумкин. Инсоннинг қалби ва ички ҳиссиётлари ҳақиқий маънода ўзгача ракурсда тасвирланган клипни хозироқ томоша қилиш имкониятига эгасиз.