Баҳром Назаровнинг гастрол концерт дастури Андижон вилояти бўйлаб давом этмоқда

Баҳром Назаров юртимиз бўйлаб концерт дастурини тақдим этаётганидан хабарингиз бор. Наманганда бўлиб ўтган концерт таассуротлари билан Баҳром Назаров айни дамда Андижон вилояти бўйлаб гастрол концерт дастурини давом эттирмоқда. 

 

Халқимиз хонандани ўзгача меҳр ва муҳаббат билан кутиб олиб, қўллаб-қувватлашмоқда. Наманган вилоятида бўлиб ўтган дастурлардан шуни аниқ айтиш мумкинки, Баҳром Назаров мухлислар муҳаббатига, ишончига сазовор бўлиб,  элимизнинг севимли хонандасига айланиб улгурган.

 

Бунинг исботи сифатида концерт дастуридан тақдим этилган фотосуратларни ва видеолавҳаларни  кўришингиз мумкин. Қолаверса концертга меҳмон санъаткор Юлдуз Низомова ҳам ташриф буюриб, ўзининг дилтортар, шўх қўшиқлари билан барчага яхши кайфият улашмоқда.

 

Андижон вилоятида якунланган концерт дастури Фарғона вилояти бўйлаб, кейин эса воҳа бўйлаб ўтказилиши режалаштирилган. Шундай экан, кутинг ва севимли хонандангиз сизнинг шаҳрингизда ҳам албатта меҳмон бўлади.