Умар Шамсиев армонли муҳаббатни тараннум этди
Ўзбек эстрадасида етарлича мухлисларга эга бўлган Умар Шамсиев бугун бироз дардли ва ғамгин руҳдаги таронани тақдим этди.
“Атиргул” дея номланган янги қўшиқ “Ўзбегим Таронаси” радиоси орқали премьера қилинди. Султон Нур матни ва мусиқаси асосида яратилган ижод намунасининг аранжировкасини Аҳмад Хожиматов тайёрлади.
Армонли муҳаббат мавзуси тараннум этилган тарона илк марта мухлисларга тақдим этилгач, улар томонидан билдирилган фикрлар ижодкорлар меҳнатини оқлади.
Мазкур тарона учун клип ҳам суратга олиниб, клип премьерасини сайтимиз орқали қарши оласиз. Дилмурод Агзамов томонидан тайёрланган видеоклипда таъсирчан сюжет воқеаси тасвирланган.
Клип тарона мавзусига монанд тарзда тайёрланди. Саробга айланган муҳаббат қиссаси тасвирланган видеода сирлилик руҳияти ҳам сақланиб қолган.
Видеоклип сюжети ғояси ҳам айнан Дилмурод Агзамовга тегишли. Сифатли тасвирлар томошабин қизиқишини охиригача сақлаб тура олади.