Шоҳруҳхондан “Дарак йўқ”

Эстрадамизнинг ёрқин юлдузи Шоҳруҳхон шу ойнинг сўнггида бўлиб ўтадиган яккахон концерт дастурига тайёргарлик ишларини бошлаб юборган. Айни дамда хонанда ижодий жамоаси билан мухлислар учун концертда тақдим этиладиган туҳфалар устида ишламоқда. Шу билан бирга у   “Дарак йўқ” номли янги қўшиғига видеоклип тасвирга олдирди.

Видео асар сўнгги кунларда санъат оламида тақдим этилаётган кўпгина клипларни суратга олаётган истеъдодли клипмейкер Дилмурод Агзамов томонидан суратга туширилди. Тасвирчи Рустам Муродов.

Клип жараёни Олмалиқда бўлиб ўтди. Бу жараёндан  хонанданинг мухлислари ҳам баҳраманд бўлишди. Шоҳруҳхоннинг инстаграм ижтимоий тармоғидаги саҳифасида қолдирган маълумотига кўра, унинг Олмалиқда истиқомат қилувчи мухлислари тоғлар ортидан ўтиб, суратга олиш майдончасига ташриф буюришган ва хонандани қўллаб-қувватлаб туришган.

Мазкур клип тез кунда омма эътиборига ҳавола этилиши кўзда тутилган. Ҳозирча суратга тушириш жараёнидан тақдим этилган фотосуратларни томоша қилинг.