Паризода Хоразм рақсига видеоклип суратга олди
Раққоса, актриса Паризода аввалроқ “Интизор” номли куйга ишланган видеоклипини тақдим қилган эди. Халқимиз томонидан ижобий фикрлар билан кутиб олинган ушбу видео асардан сўнг, у навбатдаги клипга қўл урди.
Бу сафар Паризода Хоразм рақсини танлади ва унга видеоклип суратга олдирди. Шуҳрат Мавлонов режиссёрлигида тасвирга туширилган клипда Умид Искандаров, Паризода рақс ансамблининг қизлари иштирок этган. Тасвирчи Жаҳонгир Ибрагимов.
“Хоразм рақси бу тарихий рақслардан бири. Хивада, Хоразмда бу рақсни кўпгина раққосаларимиз ижро қилиб келган. Бу гал биринчи марта Ўзбекистон халқ артисти Рушана Султонова муаллифликлари соясида бу клипни тасвирга олдик. Уларга катта раҳмат айтиб қоламан” дейди раққоса Паризода сайтимизга берган маълумотига қўшимча қилиб.