Зиёда янги видеоклип тасвирга олдирди

Ўзбекистонда хизмат кўрсатган артист Зиёда ҳозирда янги видеоклипини суратга олдирмоқда. Бу клип “Жононим мани” деб номланган тарона учун яратилмоқда.

  

Зиёда: Бугунги суратга олинаётган клипимиз “Жононим мани” деб номланган қўшиққа ишланмоқда. Авваламбор, қўшиқнинг муаллифларига тўхталадиган бўлсак, сўзи ва мусиқаси Баҳодир Низомов, аранжировкаси эса Умид Обидов. Бу таронага клип оламизми ёки йўқми деб узоқ ўйладик. Чунки жудаям кўп янги қўшиқлар ёзиб қўйганман. Қайси таронага биринчи бўлиб клип олиш масаласида узоқ мулоҳазалар юритдик. Кўриб турганингиздек, биз шу кўшиққа клип суратга олишга қарор қилдик. Режиссёр Сарвар Каримов билан ҳамкорликда яратаётган клипимиз трек жанрида. Иш қизғин кечмоқда. Албатта меҳнатларимиз самарасининг даражасини мухлислар томоша қилгандан сўнг билиб оламиз.” – дейди хонанда сайтимизга берган маълумотида.

 

Мазкур клипда хонанда бир нечта образда намоён бўлади. Трек жанрида бўлишига қарамай, клип мухлисларга манзур келиши кутилмоқда. Ҳозирча суратга олиш майдончасидан тақдим қилинган фотосуратларни томоша қилинг. Тез кунда эса клипни кутиб қолинг.