Сардор Раҳимхон хит бўлиши кутилаётган яна бир янги таронасига видеоклип суратга олдирди

Эстрадамиз  юлдузи, Ўзбекистонда хизмат кўрсатган артист Сардор Раҳимхон яна бир янги видеоклип устида иш бошлади. “Қаранг, кўз очиб қаранг” деб номланган  қўшиқ учун тасвирга туширилаётган клип ҳам бошқалари каби халқимизга манзур келишига ишонамиз. Бу тарона жуда таъсирли ҳаёт, мол-дунё, оқибат, меҳр-муҳаббат, кибр-у ҳаво тўғрисида дейди хонанда тарона ҳақида берган маълумотига қўшимча қилиб.

Энг қизиғи, видеоклип халқ орасида Mr Photo номи билан таниш бўлган фотосуратчи Дилмурод Каримов режиссёрлигида тасвирга туширилди. Илк режиссёрлик иши бўлишига қарамай, клипмейкер ўта масъулият билан ёндашди. Топширилган ишни қай даражада уддалаганини эса, видеоклип намойишидан сўнг билиб оламиз.

Тез кунда омма эътиборига тақдим этилиши режалаштирилган мазкур тарона Ҳушнуд Дарвеш сўзи билан ёзилган. Мусиқаси устида  Дилшод Аҳмадшоҳ ишлаган. Аранжировкаси эса Аҳмад Ҳожиматов томонидан амалга оширилган.