Инстаграмда нима гап?
Бугунги кунда барчани бирдек қизиқтира олган ва деярли ҳар бир соҳа вакилларининг бир бўлагига айланиб улгурган инстаграм ижтимоий тармоғида нима гап? Демак, шу кеча-кундузда...
Зарина Низомутдинова имиджини ўзгартирди
Мафтункор актриса Зарина Низомутдинова ўз имиджини бироз ўзгартирди. Бу ўзгариш кўпчилик учун кичик ўзгариш бўлиши мумкин, бироқ унинг мухлисларига унинг янгича соч турмаги жуда ҳам манзур келди. Буни инстаграм ижтимоий тармоғи орқали кузатишингиз мумкин. Ҳозироқ актрисанинг фотосуратларни кўриб сиз ҳам фикр-мулоҳазаларингизни билдиринг.
Бетакрор Шаҳзода таътилда!
Эстрадамизнинг ёрқин юлдузи Шаҳзода таътилга чиқди. Сўнгги кунларда ижод уммонига чуқур шўнғиган хонанда бироз ҳордиқ олиш мақсадида чел эл сафарига йўл олди. Бу ҳақида у инстаграм ижтимоий тармоғи орқали хабар қолдирди. Биз хонандага ёқимли ҳордиқ олишини тилаган ҳолда янгиликларни кутиб қоламиз. Ўйлаймизки, у янги ғоялар билан юртимизга қайтади ва кутилмаган ижод маҳсуллари билан барчани лол қолдиради.
Шоҳруҳхон янги альбом ёзиш ишларини бошлаб юборди
Санъатимизнинг яна бир порлоқ хонандаси Шоҳруҳхон янги альбом ёзиш устида иш олиб бораётгани ҳақида инстаграм ижтимоий тармоғи орқали маълум қилди. У сўзининг исботи сифатида иш жараёни тасвирланган видеолавҳани ҳам тақдим этди. Мазкур янгиликлар ва шоу-бизнес оламига доир бошқа хабарларни сайтимиз орқали кузатиб боришингиз мумкин. Шундай экан, биздан йироқлашманг. Кузатишда давом этинг.