Ойбек ва Нигора яна бир ижод маҳсулини туҳфа этди
Барча узоқ кутган ва ижодкорлар учун муҳим бўлган тақдимот маросими Ойбек ва Нигорадан тақдим этилди.
16-февраль ижодий воқеаларга бой кун бўлди. Кун “Манго” гуруҳининг альбом тақдимоти олди учрашуви билан бошланган бўлса, кейин Шоҳруҳхон концерти билан давом этди. Сўнг эса яна бир тақдимот. Ойбек ва Нигора навбатдаги ижод маҳсулини тақдим этишди.
“Мени кечир” номли таронага клип суратга олинаётгани ҳақида хабар бергандик. Клип тақдимоти эса куни кеча юлдузлар даврасида ўтказилди ва олқишларга сазовор бўлди. Тор доирадаги намойишда ижодкорларнинг яқин инсонлари иштирок этди. Тадбирга клип режиссёри Рустам Мелиев ҳам ташриф буюрди.
Клип сюжети ва ўзгача йўналишда тайёрланганлиги билан ажралиб туради. Бу клипни томоша қила туриб, Ойбек ва Нигоранинг меҳнатига тан беришингиз аниқ. Намойишдан сўнг билдирилган фикрлар ҳам буни тасдиқлайди. Сайтимиз ушбу клипни сизнинг эътиборингизга ҳавола этади.