Беном гуруҳининг мухлисларига ажойиб янгилик

Беном гуруҳининг мухлисларига ажойиб янгилик! Гуруҳ ижодкорлари янги таронасини тақдим қилиш арафасида. Қўшиқ номи - "Муҳаббат асири". Ушбу мусиқий асар "Муҳаббат асири" номли янги миллий сериал учун саундтрек сифатида яратилган. Беном гуруҳи ижодида бу 5-саундтрек ҳисобланади. Мазкур саундтрекдан олдин "Сени севаман" ("Ҳай-ҳай, қизалоқ" фильмига), "Хазон" ("Хазон" фильми), "Юрак йиғлар" ("Юрак йиғлар" фильми) "Балки тун" (Салом севги" фильми) қўшиқларини саундтрек сифатида куйлашган еди.

Яқин кунларда ушбу телесериал ижодкорлари томонидан "Муҳаббат асири" қўшиғи учун суратга олинган видеоклипни ҳам томоша қилишингиз мумкин бўлади. Премьераси 15-декабр куни бўлиб ўтиши режалаштирилган қўшиқнинг муаллифлари Сарвар ва Комил. Премьерани кутинг ва кузатиб боринг.