Шуҳрат Нуралиевдан янги фильм “Олтин том”
Истеъдодли ва серқирра ижодкор Шуҳрат Нуралиев янги фильм устида иш олиб бормоқда.
Ишчи номи “Олтин том” бўлган бу картина комедия жанрида тасвирга олинган бўлиб, унда бош ролларни Муҳаммадисо Абвулхайиров, Ҳосият Ҳусанова, Даврон Каримов, Зуҳра Солиева, Аҳрор Маҳмудов, Зиёда Иралиевалар ижро этишган. Бу кинокомедияда шунингдек, Шавлон Шодмонов, Шуҳрат Нуралиев, Улуғбек Ҳолиқжонов, Фарҳод Маъруфжонов, Фурқат Ғофуровларни ҳам кўришингиз мумкин.
Шуҳрат Нуралиев режиссёрлиги ва Жонрид Сагдиев операторлигида суратга олинган ушбу фильмда ака-укалар орасидаги меҳр-оқибат тасвирланади. Уларнинг ўртасидаги можароларга пул ва бойлик сабаб бўлиши кўрсатилган. Режиссёрнинг маълумот беришича, кутилмаганда келган бойлик ака-укаларнинг орасида низо келиб чиқишига ҳамда аслида ким қандай экани, бу ҳолатдан фақатгина тўғри қарор билан чиқиб кетиши томошабинни картина охиригача ушлаб туради.
Айни дамда бу кинофильмнинг монтаж ишлари якунланмоқда. Тез кунда катта экранга чиқиши кутилмоқда. Ҳозир эса сиз суратга олиш жараёнидан тақдим этилган қизиқарли фотолавҳани томоша қилинг ва янгиликларни кузатишда давом этинг.