Дилсўз янги клип суратга олмоқда

“Ниҳол” мукофоти совриндори Дилсўз шу кунларда қизғин ижод билан банд. У бугун янги клип съёмкасига қўл урди. Клип яқиндагина премьера қилинган “Юрак”  қўшиғи учун ишланмоқда.  Клип режиссёри Умид Қўчқоров. Клип ажойиб сюжетни ўз ичига олади. Бу ҳали ҳаммаси эмас. Хонанданинг маъмури Ўткир Қодировнинг берган маълумотларига қараганда, Дилсўз “Онажон” таронаси учун ҳам видеоклип тасвирга олишни режа қилган. Бундан ташқари шу кунларда “Дада” номли ашула ҳам тингловчиларга ҳавола этилади. Бир сўз билан айтганда янги мавсумда Дилсўзнинг ижодида янгиликлар бисёр. Тайёрланаётган ижод намуналарини бирин-кетин қарши оласиз. Шундай экан, тайёр туринг.