Улуғбек Раҳматуллаевдан ваъда қилинган тарона

Ўзбекистонда хизмат кўрсатган артист Улуғбек Раҳматуллаев ниҳоят “Пари”нинг рус тилидаги талқинини тақдим этди. Хонанда русийзабон мухлисларини истакларига бефарқ бўлмаганидан, уларни қанчалик қадрлашини англаш қийин эмас. 

Улуғбек Раҳматуллаевнинг репертуаридаги рус тилида куйланган қўшиқлар сўзимизга асос бўла олади. “Всё для тебя” номи билан премьера қилинган мусиқий асар ўзбек тилидаги талқини яъни  “Пари” каби хит бўлиши кутилмоқда. Ҳали олдинда яна иккита тарона сизларни кутмоқда. Янги композициялар ҳам деярли тайёр. Бу қўшиқлар ҳақида тез кунда батафсил маълумотларни етказамиз.