Улуғбек Раҳматуллаев янги клип суратга олдирди

Ўзбекистонда хизмат кўрсатган артист Улуғбек Раҳматуллаевнинг яккахон концерт дастурига саноқли кунлар қолди. Хонанда концертда мухлисларини янада хушнуд этиш учун янги ижод маҳсуллари, янги лойиҳалар устида тинимсиз иш олиб бормоқда. Куни кеча у концертда жаранг сочиши кўзда тутилган ота она мавзусидаги таъсирли таронаси учун видеоклип суратга олдирди. Клипни яратишда Санжар Маткаримов билан ҳамкорлик қилди. Хонанданинг берган маълумотига қараганда, ушбу видео асар концертда премьера қилиниши режалаштирилган.