Нилуфарни Тошкентда кимлар кутиб олди?

Туркиядаги «Turkvison» жонли ижродаги қўшиқлар танловида муносиб иштирок этиб, юртимиз довруғини янада кўтаришга ўз ҳиссасини қўшган ўзбек шоу-бизнесининг ёрқин вакиласи Нилуфар Усмонова бугун тонгда она юртимиз - Ўзбекистонга етиб келди.

Қишнинг изғирин кунларида қор ёғишига қарамасдан, Нилуфар Усмонованинг Тошкент Халқаро аэропортига кириб келиши барчага нилуфар гулларидек баҳор кайфиятини улашди.

Унинг севимли ҳамкасблари, дўстлари, яқинлари, қолаверса, Нилуфар Усмонова фан-клуби аъзолари уни Тошкентда тантанали равишда кутиб олди.

Бу эса ҳонандамиз учун ҳақиқий кутилмаган сюрприз бўлиб, Нилуфарнинг барча чарчоқлари чиқиб кетди ва бир олам қувонч бағишлади.

Popcorn.uz сайтининг фотомуҳбирлари бундай қувончли лаҳзаларни суратга олишга муваффақ бўлишди ва сиз ушбу фотосуратларни Popcorn.uz сайти орқали томоша қилишингиз мумкин.

Эслатиб ўтамиз, Нилуфар Усмонова «Turkvison» жонли ижродаги қўшиқлар танловида 24 та давлат вакиллари орасида тўртинчи бўлиб финалга чиқди ҳамда танлов лауреатига айланди.

Сайтимиз жамоаси номидан Нилуфар Усмоновани ушбу ғалаба билан яна бир бор чин дилдан муборакбод этамиз ҳамда келажакда бунданда юксак мукофотлар насиб этишини тилаймиз!