Мавлуда Асaлхўжаевадан янги видеоклип премьераси
Ўзбекистонда хизмат кўрсатган артист Мавлуда Асалхўжаева ўз мухлисларини хушнуд этиш ниятида янгидан янги тарона ва видеоклиплар устида иш олиб бормоқда.
Яқиндагина сайтимиз орқали хонанда янги видеоклип суратга олдиргани ҳақида маълумот бериб, тасвирга олиш жараёнидан фоторепортажни ҳам тақдим этган эдик. Биламизки, Мавлуда Асалхўжаева ҳар бир яратаётган ижод маҳсулига алоҳида ёндашиб, янгилик яратишга уринади ва буни уддасидан чиқади. “Олов-олов” деб номланган таронага ишланган видеоклип ҳам бошқаларини такрорламайдиган ижод маҳсулларидан биридир. Ушбу видеоклипни суратга олишда хонанда Ҳасан ва Ҳусан Атабоевлар билан ҳамкорлик қилди.
Трек йўналишида тасвирга олинган бу видеоасар бугун тайёр ҳолатга келди ва сайтимиз орқали мухлислар эътиборига ҳавола этилмоқда. Эндиликда Мавлуда Асалхўжаеванинг янги видеоклипини томоша қилиш ва баҳо бериш имкониятига эгасиз. Марҳамат, ўзингиз кўринг ва фикр-мулоҳазаларингизни билдиринг.
Эслатиб ўтамиз, “Олов-олов” таронасининг сўзи Баҳодир Низомовга, мусиқаси ва аранжировкаси Умид Обидовга тегишли.
