Юлдуз Усмоновадан тез кунда янги видеоклип

Ўзбекистон халқ артисти Юлдуз Усмонова қисқа фурсатда барча мухлисларни ўзига ром қилган ва халқимизнинг энг севимли қўшиқларидан бирига айланган "Санамей" қўшиғи учун видеоклип суратга олдирди. Клип трек ва сюжетни ўз ичига олган бўлиб, унда бош ролларни Рихситилла Абдуллаев ва Ситора Фармонова ижро қилди. Клип режиссёри эса Жонред Сагдиев. Оператор Дилмурод Турдибоев. "Санамаей" қўшиғи учун клип яратилаётганлиги бу қўшиқнинг тингловчиларини қувонтирган бўлса ажаб эмас. Демак, яқин кунларда Юлдуз Усмоновадан янги клип премьерасини кутиб қолинг.