OAZIS гуруҳидан тез кунда янги қўшиқ

Сўнгги пайтларда шўх ва рақсбоп тароналари билан  халқимизни хушнуд этаётган OASIZ гуруҳи яна бир янги қўшиқ устида иш олиб бормоқда. Гуруҳ продюсерининг берган маълумотига кўра, навбатдаги мусиқий асар куни кеча ёзиб тугалланди ва мухлислар ҳукмига ҳавола этиш учун тайёр!  Улар мазкур ижод намунасини яратишда бу сафар ҳам Элдор Қаюмов ва Ботир Алиев билан ҳамкорлик қилишди. Қўшиқ номи эса доимгидек сирлигича қолмоқда. Яқин кунларда кутилаётган премьерадан сўнг, қўшиқ ҳақида батафсил маълумотларни албатта тақдим этамиз.