Иззатилла Ибрагимовдан янги тарона премьераси

Ўзбекистонда хизмат кўрсатган артист Иззатилла Ибрагимов ва Хўжа гуруҳи сўнгги кунларда бир нечта янги қўшиқлар устида иш олиб бормоқда. Ана шундай қайноқ ижод маҳсулларидан бири юртимизнинг етакчи радиотўлқинлари узра жаранг сочди. Тингловчилар томонидан илиқ кутиб олинган мусиқий асар "Кетдингму" деб номланади. Тарона Қобил Комилов сўзи ва Ҳамдам Собиров мусиқаси билан ёзилган. Мусиқий сайқал эса Жасур Бадалбоев томонидан амалга оширилган. Ушбу композиция мухлисларнинг севимли тароналаридан бирига айланади деб умид қиламиз ва ижодий жамоага омад тилаб қоламиз.