Хонанда Ҳадичадан тез кунда янги клип

Истеъдодли хонанда Ҳадича кетма-кет сокин тарона ва клипларини тақдим этгани барчага маълум. Эндиликда у шўх ва рақсинкор қўшиқ яратиб, унга видеоклип ҳам тасвирга олдирди. “Жоним” деб номланган бу қўшиққа клип клипмейкер Шерзод Умаров  томонидан суратга олинди. Трек жанридаги видео асарда Ҳадича 3 хил образда намоён бўлади. Бу образларни яратишда у либослар бўйича дизайнер Акбар Собиров ҳамда стилист-визажист Алижон Имамов билан ҳамкорлик қилган. Тез кунда омма эътиборига тақдим қилиниши кутилаётган бу ижод маҳсули ҳам мухлисларга манзур келади деб умид қиламиз.