Юлдуз Усмоновадан тез кунда янги видеоклип - "Бу тоғлар"

Ўзбекистон халқ артисти Юлдуз Усмонова "Бу тоғлар" таронаси учун видеоклип  суратга олдирди. Съёмка жараёнлари Сурхондарё ва Чорвоқ тоғларида бўлиб ўтди. Тайёргарлик ишлари ижодий гуруҳ учун машаққатли кечди. Улар  манзилга етгунча барча техника ва керакли ускуналар билан 2-3 соат мобайни йўлни яёв юриб ўтишди. Шундай бўлса-да хонанда Юлдуз Усмонова ҳаммани ортда қолдириб, қийинчиликларга қарамай илдамлаб кетдилар. Тасвирга тушириш жараёнлари эса юқори кайфиятда ўтди. Трек йўналишидаги мазкур клипда бир қатор созандалар  иштирок этишди. Рақсларни Зарина Аҳмедова бошчилигидаги "Наврўз" рақс ансамбли аъзоси Комила Мирзаева ижро қилди. Клипмейкер Жонред Сагдиев. Тасвирчи Ҳожиакбар Ҳожиев.