Мафтункор Шаҳзодадан ўзбекона видеоклип премьераси

Эстрадамизнинг мафтункор хонандаси Шаҳзода яқиндагина халқимизга тақдим этган “Ўзбегим” таронаси тингловчилар қалбидан жой эгаллаб улгурди. Фаҳр ва ифтиҳорга тўла мазкур қўшиққа видеоклип ҳам тасвирга туширилгани ҳақида маълум қилган эдик. “Benom Media” томонидан суратга олинган клип  тайёр бўлди ва сайтимиз орқали оммага намойиш этилмоқда. Клип сюжети халқимизда яшовчи ҳар бир инсонни ўзига жалб эта олади. Унда мустақиллик йилларидан токи бугунги кунгача еришган ютyқларимиз атрофлича кўрсатиб берилган.

Эслатиб ўтамиз, композиция сўзи Иқбол Мирзо қаламига мансуб. Мусиқаси ва аранжировкаси устида Сарвар ва Комил иш олиб борган. Марҳамат клипни томоша қилинг.