Дилсўз янги видеоклип тасвирга олдирди
Хушовоз хонанда Дилсўзнинг яқиндагина омма эътиборига ҳавола қилган “Айтгин” таронаси айни дамда ўз тингловчиларини топиб улгурди. Қисқа фурсатда кўпчиликнинг севимли қўшиғига айланган мазкур композицияга Дилсўз видеоклип тасвирга олдиргани ҳақида маълум қилди.
Ушбу мусиқий асар Аҳад Қаюм сўзи ва Аҳмад Хожиматов мусиқаси билан яратилган бўлиб, видеоклип режиссёри ёш ва умидли ижодкор Жамшид Исаҳажаев. Кўпчилик бу ижодкорни иқтидорли фотограф сифатида яхши танийди. Эндиликда клипмейкерлик соҳасида ҳам мувафаққият қозонса ажаб эмас. Оператор Сарвар Собиров.
Дилсўзнинг маъмури Ўткир Қодировнинг маълумотларига қараганда, клип тез кунда тайёр бўлади. Айни дамда монтаж ишлари олиб борилмоқда. Шунингдек, Дилсўз яна бир янги тарона ва клип устида иш бошлади. Бу ҳақида кейинги янгиликларимиз орқали хабар берамиз. Ҳозир эса “Айтгин” қўшиғига ишланаётган видеоклипнинг тасвирга олиш жараёнидан тақдим этилган фотосуратлар ҳамда кичик видеолавҳани томоша қилинг.
