Тамила янги видеоклип устида ишламоқда
Сана: 03.01.2016
4163
Ўзининг ноодатий ғояларини тарона ва видеоклиплари орқали тақдим этишга одатланган жозибадор хонанда Тамила, халқимиз ишончини яна бир бор оқлаш ниятида, янги лойиҳалар устида тиним билмай ишламоқда. У яқиндагина мухлислар эътиборига ҳавола қилган “Бекатлар” номли композициясига видеоклип тасвирга олдирди.
Сюжет жанрида суратга туширилган клипга Дилмурод Турдибоев режиссёрлик қилди. Видео асарда икки севишган юракнинг айрилиқ азоби, ҳаётни қийинчиликларига қарамасдан, бир-бирига интилиши, талпиниши тасвирланган. Мазкур клипда Тамиланинг имиджи устида стилист Февзи Ягяев ишлаган.
Эслатиб ўтамиз, мусиқий асарнинг матни ва мусиқаси Шохруз Абадияга тегишли. Аранжировкасини Жасур Абдураҳмонов бажарган.