Амира Алибековадан янги видеоклип тез кунда

Яқиндагина радиотўлқинлар орқали янги “Нетай” номли таронасини тақдим этган Амира Алибекова мазкур қўшиғига видеоклип суратга олдирди. Маҳоратли клипмейкер Тимур Примкулов режиссёрлигида тасвирга туширилган видео асар мухлислар учун кутилмаган ижод маҳсули бўлиши кутилмоқда. 

Сюжет жанридаги мазкур клип “Ботаника” боғида, Чорвоқ тоғ-ён бағриларида ҳамда пойтахтимизда жойлашган павильонлардан бирида суратга олинди. Тасвирга тушириш ишлари икки кун давом этди. Видеоклипда Амира бир нечта образларда намоён бўлади.

Эслатиб ўтамиз, Қўшиқнинг сўзи Нодир Азимовнинг қаламига мансуб. Мусиқаси эса Нажот Агзамов томонидан басталанган. Аранжировкаси устида Жасур Абдураҳмонов ҳамда Серж Маршел иш олиб борган.