Беном гуруҳидан ноодатий видеопремьера

Истеъдодли ва серқирра ижодкорлардан ташкил топган Беном гуруҳи вакилларидан навбатдаги янгилик. Гуруҳ ижодкорлари “Салом” таронасига видеоклип суратга олдиргани ҳақида яқиндагина маълум қилган эдик. Орадан кўп ўтмай мазкур видео асар тайёр бўлди ва бугун сайтимиз орқали намойиш этилмоқда.

Ноодатий сюжетни ўз ичига олган бу видео асарда фазода жойлашган "Gliese"-581G сайёрасидан икки ўзга сайёралик- "Gee" ҳамда "Kou" ларнинг бизнинг сайёрамизга тадқиқот ўтказиш мақсадида ташриф буюриб, одамлар орасида ўтказган илмий изланишлари ва бу жараёнда улар дуч келган кўплаб қизиқарли вокеалар тасвирланган.

Ҳусан Атабоев режиссёрлигида суратга олинган клип қанчалик қизиқарли ва янгича услубда яратилганини ҳозироқ томоша қилиб ўзингиз гувоҳи бўлишингиз мумкин.