Dj Piligrim янги видеоклипининг премьерасини ўтказди
Эстрадамизнинг ёрқин юлдузларидан бири Dj Piligrim ўзининг янги “Кечаю кундуз” деб номланган таронаси ва унга ишланган видеоклипининг премьерасини ўтказди.. Янги клип тақдимоти пойтахтимиздаги “Samarqand darvoza” кўнгилочар савдо марказида жойлашган “Royal Cinema” кинотеатрида бўлиб ўтди. Унда оммавий ахборот вакиллари, хонанданинг яқин дўстлари ва фан клуби аъзолари иштирок этди.
Тақдимот бошида Dj Piligrim билан ташриф буюрганлар фотосессияни амалга оширишди. Ана ундан сўнг катта экранда клип намойиш этилди. Сўнг мазкур видеомаҳсулот юзасидан оав вакиллари ўзларини қизиқтирган саволларига хонандадан жавоб олишди. Шунинг иштирокчиларга янги видеоклип туширилган дисклар тақдим этилди.
Эслатиб ўтамиз, “Кечаю кундуз” деб номланган мазкур қўшиққа Европанинг “Raybox” видеостудиоси томонидан видеоклип суратга олинган. Тасвирга олиш ишлари Кипрнинг Лимасол шахрида бўлиб ўтган.
