OAZIS гуруҳидан ваъда қилинган видеопремьера

OAZIS гуруҳи репертуаридаги сўнгги ҳамда шу кунларда тингловчиларнинг севиб тинглайдиган қўшиқларидан бирига айланиб бораётган "Келин салом" таронаси учун видеоклип суратга олингани ҳақида маълум қилган эдик. Орадан кўп ўтмай, мазкур клип омма эътиборига намойиш қилинди. Позитив, аъло кайфият улашувчи клип "Shoxona Creative Group" билан ҳамкорликда тасвирга олинган. Клипда асосан трек жанри қўлланилган бўлса-да, унинг ўз қаҳрамони бор. Видео асарда раққоса ва актриса Паризода бош ролни ижро қилган.
Эслатиб ўтамиз, қўшиқ Элдор Қаюмов билан ҳамкорликда яратилган. Аранжировка муаллифи Ботир Алиев.