Будур “Соғинаман” дея кимга нола қилмоқда
Ёш бўлишига қарамай ўзбек шоу-бизнеси оламида ўз ўрнимни топаман деб тинмай ижод қилаётган Будур тобора мухлислар ишончига кириб бормоқда.
Яқиндагина сайтимиз орқали янги таронаси билан бирга видеоклипини ҳам тақдим этган хонанда орадан кўп ўтмай, яна бир композицияси бугун "Ўзбегим таронаси" радиосининг премьера лойиҳасида жаранг сочди. “Соғинаман” деб номланган бу қўшиқ тингловчилар томонидан илиқ кутиб олинди. Ҳар бир таронасини тажрибали ва маҳоратли ижодкорлар билан ҳамкорликда яратиб келаётган Будур, бу сафар ҳам анъанасига содиқ қолди. “Соғинаман” композициясининг сўзи ва мусиқаси шоира, бастакор ва хонанда Шахнозга тегишли бўлиб, аранжировкасини Жасур Авбураҳмонов амалга оширган.
Айни дамда сиз Будур ижросидаги янги таронани тинглаш имкониятига эгасиз. Марҳамат тингланг ва баҳо беринг!