Шерали Жўраев биринчи замонавий клипини суратга олдирди

Элимиз ардоғидаги устоз санъаткор Шерали Жўраев ўзининг биринчи замонавий клипини тасвирга олдирди. “Парижон” деб номланган мазкур тарона қисқа фурсат ичида халқимизнинг севимли қўшиғига айланди. Шундан сўнг, унга клип тасвирга олиш ишларини ўз ижодий жамоаси билан бирга бошлаб юборди. Ушбу композицияга яратилаётган клипнинг ғояси Шуҳрат Мавлонов ҳамда Шоҳжаҳон Жўраевга тегишли. Клип режиссёри Шуҳрат Мавлонов. 

Устоз санъаткорнинг мазкур клипдаги образлари устида Шоҳжаҳон Жўраев иш олиб борган. Тез кунда “Парижон” клипини сайтимиз орқали биринчилар қаторида томоша қилиш имконига эга бўласиз. Ҳозирча тасвирга тушириш жараёнидан тақдим этилган фотосуратларни томоша қилинг ва янгиликларни кузатишда давом этинг.