Божалар гуруҳидан янги тарона ва видеоклип тез кунда!

Куни кеча мафтункор Шахзода билан куйланган дуэтига ишланган видеомаҳсулотни тақдим этган Божалар гуруҳи солисти Жаҳонгир Позилжонов қизғин ижод билан банд.  Айни дамда тиниб тинчимайдиган ижодкорлар ансамблидан ташкил топган “Божалар” гуруҳи янги тарона ва видеоклип устида иш олиб бормоқда. Деярли комедик жанрда ижод қиладиган бу ижодкорлардан  яна шу йўналишдаги қўшиқни  кутаётган бўлсангиз янглишасиз. 

Жаҳонгир Позилжонов ғояси билан яратилган тарона сўзи гуруҳ ижодкорларига тегишли. Мусиқаси ва аранжировкаси эса Ботир Алиев томонидан амалга оширилган. “Балки” деб номланган таронага маҳоратли клипмейкер Ёдгор Носиров режиссёрлиги ва операторлигида видеоклип суратга олинди. Видеоклип барча ўйлагандек комедик жанрда эмас, балки жиддий йўналишда тасвирга олинган. Унда одатдагидек гуруҳ вакилларининг ўзлари иштирок этиб, тасвирга олиш ишлари Оҳангаронда бўлиб ўтди. Мазкур видеомаҳсулот тез кунда сайтимиз орқали мухлислар эътиборига ҳавола этилади. Ҳозирча бизни кузатишда давом этинг ва янгиликлардан биринчилар қаторида хабардор бўлинг.