Озода Нурсаидова клип устида иш бошлади

Хонанда Озода Нурсаидова яқиндагина янги бир нечта ижод маҳсулларини тақдим этган эди. “Ҳаяти” номли тарона ҳам шулар жумласидандир. Қисқа фурсат ичида мухлисларининг плайлистидан муносиб ўрин олган бу қўшиққа эндиликда хонанда видеоклип суратга олдирмоқчи. Шу сабабли клипмейкерлар билан муҳокамаларни бошлаб юборди. Озода Нурсаидова “Ҳаяти” таронасининг клипини Ҳабибулла Набиев билан ҳамкорликда тасвирга олишни режалаштирди. У билан суратга олиш жараёнидан олдин учрашиб, клип борасида бир тўхтамга келишди. Тез кунда тасвирга тушириш жараёнлари бошланади. Ўйлаймизки, илк ҳамкорлик кутилган натижани беради. Ҳозирча ижодий жамоага омад тилаб қоламиз