“Ҳаётда...” кинофильми премьераси олдидан бўлиб ўтган матбуот анжумани таассуротлари

“Ўзбеккино” Миллий агентлиги буюрмасига биноан “Ўзбекфильм” киностудиясида суратга олинган “Ҳаётда...” кинофильми премьераси олдидан бўлиб ўтган матбуот анжумани таъассуротларга бой бўлди. Дунё миқиёсида бўлиб ўтган нуфузли кинофестивалларда муносиб иштирок этган ва катта мукофотларни қўлга киритган кинокартиналар муаллифи, таниқли кинорежиссёр Ёлқин Тўйчиевнинг навбатдаги иши тез кунда катта экранларга чиқиши кутилмоқда. Бугун ана шу фильм ижодкорлари билан учрашув давомида сценарий мавзуси, актёрлар жамоаси ва суратга олиш жараёнлари ҳақида суҳбат уюштирилди.

 

 

 

“Ҳаётда...” картинасининг сценарий муаллифи ва постановкачи режиссёри Ёлқин Тўйчиев, постановкачи оператор Рустам Муродов, постановкачи рассом Ҳилола Шерматова, режиссёр Ҳабибулла Ҳасанов, муҳаррир Улуғбек Абдусоатов, картина директори Баҳриддин Айназаров. Бош ролларда Баҳтиёр Қосимов, Зулҳумор Мўминова, Акбархўжа Расулов, шунингдек Алишер Узоқов ҳамда Адиз Ражабовлар иштрок этишган.

 

 

 

Ёпиқ премьера тарзида журналистлар учун намойиш этилган янги кинофильм фалсафий маънога бойлиги, таъсирчан лавҳалари билан ўзига жалб этди.

Психологик драма жанрида суратга олинган мазкур фильмда тиббиёт фанлари доктори, профессор, яъни ўзбек зиёлисининг ҳаёти ва дунёга бўлган қарашлари, шунингдек инсон умрининг қадри, ҳар бир дақиқанинг қиймати, инсоний муносабатлар ҳақида ҳикоя қилади.

 

 

 Ҳаётнинг ҳар бир сонияси умр саҳифаси. Уни қандай ранглар билан акс эттириш эса ҳар кимнинг танловидир.  

 

 

 Фотолар муаллифи Тимур Кабуловга алохида миннатдорчилигимизни билдирамиз