Машҳур боксчи ва афсонавий хонанда дуэт куйлашди

Кўплаб спорт ихлосмандларига яхши таниш бўлган, бокс бўйича жаҳон чемпиони Майк Тайсон машҳур хонанда Мадонна билан биргаликда янги қўшиқ куйлади. Бу хабарни Мадонна ўзининг Facebook даги расмий саҳифасида ёзди. 

Бу янгилик Мадонна ҳамда Майк Тайсон мухлисларининг қизиқишларига сабаб бўлди. 2005-йилда ўзининг профессионал фаолиятини якунлаган Майк Тайсон телешоу, фильм ва сериалларда иштирок этиб келган. У мутлоқ чемпион сифатида Гиннеснинг Рекордлар китобидан жой олган. 

Мадонна билан биргаликда куйланган қўшиқ эса "Iconic" дея аталади. Бу тарона яралишида рэпер Чанселор Беннетнинг ҳам ҳиссаси қўшиқлган. Бу трек "Rebel heart" мусиқий альбомидан жой олади. Альбом эса 2015-йил 10-мартда кенг оммага тақдим этилади.