Муниса Ризаевадан янги видеоклип премьераси

Хонанда Муниса Ризаева "Кетгин йироқларга" таронаси учун ишланган видеоклипини намойиш қилди. Маълумки, мазкур қўшиқ қисқа фурсатда халқимизнинг севимли композицияларидан бирига айланиб улгурди. Клип ҳам мусиқий асар каби, барчани қалбидан жой олишига шубҳамиз йўқ. Видеоклип трек йўналишида ва кичик сюжетлар билан бойитилган. Унда актёр Шахбоз Махмудовни ҳам кўрасиз. Видео асар Нозим Жумаев режиссёрлигида тасвирга олинган. Оператор Рустам Муродов.
Қўшиқ муаллифларига тўхталадиган бўлсак, сўзи ва мусиқаси Дилноза Боймуҳаммедовага тегишли. Мусиқий безакчи Жасур Бадалбоев.