“Сўзсиз севги”... Севгига ошно қалбларни ҳаёлот уммонига ғарқ қилади

Таниқли бастакор Дониёр Агзамов эстрадамизда ижод қилаётган аксарият хонандалар билан ҳамкорлик қилиши ва кўплаб кинофильмларнинг сундтрек муаллифи экани барчага маълум.Маҳоратли ижодкор яратган композиция учун видеоклип яратилаётгани ҳақида аввал хабар бергандик. Бугун сайтимиз орқали мазкур клип премьерасининг шоҳиди бўласиз.

Таъкидлаб ўтишимиз лозим  “Сўзсиз севги” номли мусиқа учун видеоклипни композиторнинг укаси Дилмурод Агзамов суратга олган.

 

Айни кунда ноанъанавий услубда яратаётган видеомаҳсулотлари билан кўзга кўринган бу клипмейкер, ёш бўлишига қарамай катта тажрибага эга бўлиб бормоқда.

 

Айтганча, мазкур клипнинг Дониёр Агзамов билан боғлиқ кадрлари Туркиянинг Истанбул шаҳрида тасвирга олинган. Соф муҳаббатни тараннум этувчи куй севгига ошно қалбларни ҳаёлот уммонига ғарқ қилади, юракдаги ҳис-туйғуларни тўлқинлантиради, десак адашмаймиз.

Сиз ҳам мазкур видеоклипни томоша қилинг ва романтик хотираларни ёдга олинг.