Мафтункор Шаҳзодадан “Love you”

Эстрадамизнинг мафтункор хонандаси Шаҳзода  5-11 май кунлари бўлиб ўтган яккахон концерт дастурида бир нечта янги қўшиқларни ижро қилгани ҳақида хабар берган эдик. Концертга ташриф буюрган томошабинлар биринчилар қаторида бу қўшиқлардан дастур давомида баҳраманд бўлишди.

Эндиликда Шаҳзода концертга кела олмаганларни кўп куттирмай, дастурда янграган янги тароналарини бирин-кетин премьера қилмоқда. Бугун ана шундай композициялардан бири “Love you” қўшиғи юртимизнинг етакчи радиотўқинлари орқали жаранг сочди. Тингловчилар томонидан аъло даражада қарши олинган мусиқий асар Фарҳод Мақсудов билан ҳамкорликда яратилган. Марҳамат тингланг ва баҳо беринг.