Ўзбек кино оламида яна бир комедия яратилди

Сана: 05.12.2014 6062 қайноқ

Бугун оилавий комедия жанрида тасвирга олинган "Югурганники эмас, буюрганники" номли фильми  кино санъатимизда янги ижодий иш сифатида кириб келди. 

Алишер Навоий номли кино саройида бугун айнан мазкур картина илк марта томошабинлар эътиборига ҳавола этилди. Катта ижодий жамоанинг меҳнати асосида яратилган фильм премьераси муносиб тарзда тақдим этилди. 

Ўзбек кино оламида яна бир комедия яратилди

Одатга кўра саройга ташриф буюрган меҳмонларнинг кўнглини ва кайфиятини кўтариш учун санъаткорлар ҳам таклиф этилди. Даврани эса сўз устаси Валижон Шамшиев олиб борди. Унинг ўз ўрнида қўллаган ҳазиллари барчага яхши кайфият улашди.

Ўзбек кино оламида яна бир комедия яратилди

Саҳнада хонандалардан аввал гимнастикачилар, акробатлар ўз маҳоратларини намойиш қилишди. Шундан сўнг саҳнага бирин-кетин ёш хонанда Жаҳонгир, "ЭлДиДо" гурухи сахнага чиқиб, шўх тароналари билан кўтаринкилик баҳш этишди. Ва ниҳоят кутилган онлар келиб, саҳнага фильм ижодкорлари таклиф этилди. 

Ўзбек кино оламида яна бир комедия яратилди

Айтиш керак, картина режиссёри Зафар Аскаров бўлиб, бу унинг илк катта лойиҳаси ва илк режиссёрлик иши ҳисобланади. Машҳур клипмейкерлардан бири Жонрид Сагдиев фильмда постановкачи оператор вазифасини бажарган. 

Ўзбек кино оламида яна бир комедия яратилди

Шерзод Ўлмасов сценарийси асосида яратилган картинада маҳоратли актёрлар - Матёқуб Матчонов, Ҳосият Ҳусанова ва ёш актёр Асқар иштирок этган. 

Ўзбек кино оламида яна бир комедия яратилди

Шу ўринда айтишимиз зарур, айнан бугун "Узбегим Таронаси" радиосида картина бош ролларида қатнашган Ҳосият Ҳусанова ва Асқар иштирокида интервью ташкил этилди. Суҳбат давомида фильм ҳақида қизиқарли маълумотлар, суратга олиш жараёнидаги турли вазиятлар ҳақида ҳам тўҳталиб ўтилди. 

Ўзбек кино оламида яна бир комедия яратилди

Картинанинг премьераси эса кутилганидан-да аъло тарзда ўтди. Томошабинлар фильмни олқишлар билан кутиб олишди. Комедия жанрида бўлса-да, картина тарбиявий аҳамиятга эгалиги билан ҳам эътиборга тушиши, шубҳасиз. Пойтахтимиз кинотеатрларида мазкур картинани томоша қилишингизни тавсия қиламиз. 

Ўзбек кино оламида яна бир комедия яратилди

Манзил:

Маъмурият билан алоқа

Сайт маълумотларидан тўлиқ ёки қисман фойдаланилганда, манба кўрсатилиши шарт.

Алоқа:

e-mail:info@popcorn.uz

Stop 00:00:00 Vol