Севара Назархондан янги тарона “Биларсан”

Нафақат ўзбек халқини, балки бутун дунёдаги тингловчиларни ўз санъатига маҳлиё этган эстрадамизнинг ёрқин юлдузи, мухлислар ардоғидаги хонанда,  Ўзбекистонда хизмат кўрсатган артист Севара Назархон 2016-йил баҳор фаслида оммага тақдим этилиши режалаштирилган янги альбоми устида қизғин иш олиб бормоқда. 

Мазкур альбомдан жой олиши кўзда тутилган қўшиқларнинг биринчиси айни дамда ёзиб тугалланди ва бугун халқимиз эътиборига ҳавола қилинди. “Биларсан” деб номланган мазкур композициянинг матни Усмон Азим қаламига мансуб. Мусиқасини хонанданинг ўзи басталаган. Марҳамат севимли хонандангиз ижросидаги “Биларсан” таронасини тингланг ва баҳо беринг.