Каниза янги клип суратга олдирди

Яқиндагина оналик бахтига муяссар бўлган хонанда Каниза қисқа танаффусдан кейин ўзгача шижоат билан яна ижодга қайтди. У тез кунда янги қўшиқлар ва клипларни кетма-кет тақдим қилади. Қайноқ ижод маҳсулларидан бири «Куёв жўралар» деб номланган бўлиб, ушбу тарона учун клип ҳам суратга олинди. Комедия жанрида тасвирга туширилган видео асар трек ва сюжетни ўз ичига олган. Унда Шаҳло Зоирова, Феруза Норматова, Дурдона Қурбонова, Азода ва бошқалар иштирок этишди. 

Ижодкорлар клипда тўй билан боғлиқ ташвишлар ҳазиломуз тарзда кўрсатиб беришга ҳаракат қилишди. Албатта премьерадан сўнг кўриб баҳо берамиз. Янги ижод маҳсулининг тақдимоти Канизанинг маъмури Севар Амирхоннинг берган маълумотига қараганда, 4-5 кун ичида бўлиб ўтиши режалаштирилган. Демак кутиб қоламиз.