“Сетора” дан янги “Фантазия”

Октябрь ойининг 15 санаси “Ўзбегим таронаси” радиосида катта премьера бўлиб ўтди. “Тарона рекордс” компаниясининг ёрқин лойиҳаларидан бири “Сетора” гуруҳи ижросидаги янги тарона премьераси тингловчилар учун байрамга айланди, десак хато бўлмайди. 

 

Мухлисларини соғинтирган “Сетора” гуруҳи навбатдаги ижод намунаси билан уларни ҳушнуд этишди. “Фантазия” деб номланган янги қўшиқ гуё-ки ижодкор қизларнинг  фантазияларини очиб бергандек, кишига завқ бағишлайди. 

Таронанинг сўзларини Жамшид Шодиев, мусиқа ҳамда аранжировкасини  Шерзод Ёсинов амалга оширган. Қўшиқ премьера қилингач тингловчилар томонидан илиқ муносбатлар билдирилди. Севган гуруҳларидан  анчадан буён янги қўшиқ кутишаётганини, гуруҳ қизлари эса бу сафар ҳам ҳаммасини аъло баҳога уддалаганларини таъкидлашди.