Улуғбек Раҳматуллаев “Севмаганимда”га клип бошлади

Ўзбекистонда хизмат кўрсатган артист Улуғбек Раҳматуллаев янги “Севмаганимда” қўшиғи учун клип суратга олиш ишларини бошлаб юборди. Хонанда видео асарни тасвирга туширишда маҳоратли клипмейкер Ёдгор Носиров билан ҳамкорликда иш олиб бораётганини маълум қилди. 

Қолаверса, Улуғбек Раҳматуллаев янги видеолойиҳасида бош қаҳрамонларни гавдалантирадиган актёр ва актрисалар танлови борасида сўровнома ўтказди. Бундан англаш мумкинки, Улуғбек Раҳматуллаев мухлисларининг талаб ва истакларига биноан энг кўп сўралган ижодкорларни клипга таклиф қиладиган кўринади. Демак, тез кунда янги клипни қарши олишга тайёр туринг.