Нилуфар Усмонова янги клип олиш арафасида
Эстрадамиз юлдузи Нилуфар Усмонова шу кунларда янги қўшиқлар устида иш олиб бормоқда. Ана шундай тароналардан бирига у декабрь ойининг бошида видеоклип ҳам тасвирга олдирмоқчи. Қўшиқ тайёр бўлсада, унинг номи борасида ҳали бир тўхтамга келмаган хонанда, аллақачон клип учун ижодий жамоаси билан тайёргарлик жараёнларини бошлаб юборди. Видео асар маҳоратли клипмейкерлардан бири, Нилуфар Усмонованинг доимий ҳамкори Сарвар Исаев билан биргаликда яратилиши режалаштирилган. Шўх ва сокин тароналарни маромига етказиб ижро қиладиган хонанданинг навбатдаги кутилаётган қўшиғи сизнингча қандай йўналишда куйланган? шўхми ёки сокин? Таҳминларингизни ижтимоий тармоқларимиз орқали ёзиб қолдиринг ва тез орада бу саволга хабарларимиз орқали аниқ жавобни кутиб қолинг.