Райҳоннинг ижодида нима гап?

Эстрадамизнинг беқиёс хонандаси Райҳон ҳам ҳамкасбларидан қолишмаган ҳолда ҳам ижодига, ҳам оиласига бирдек эътибор қаратиб келяпти. У яқинда “Йиғлама қизалоқ” қўшиғини тақдим қилган бўлса-да яна изланишда. 

Шу билан бирга янги клип ҳам суратга олмоқчи. Хонанданинг маъмури берган маълумотига кўра Райҳон январь ойининг сўнгида “Йиғлама қизалоқ” қўшиғи учун видеоклип тасвирга олдиради. Клипни суратга туширишни хонанда доимий ҳамкори Ёдгор Носировга ишониб топширди. Клип сюжетли бўлади. Ҳозирда актёр ва актрисалар борасида мулоҳазалар кетмоқда. Қизиқ Райҳоннинг янги клипи қаҳрамонларини қайси актёр ва актрисалар гавдалантирар экан? Буни тез кунда билиб оламиз.