Бунёдбек Саидов Исроилда концерт дастури билан меҳмон бўлди

"Ниҳол"мукофоти совриндори Бунёдбек Саидов Исроилда янги концерт дастури билан икки кун мобайнида меҳмон бўлди. Аншлаг тарзда ўтган концерт хонанда ва унинг олис манзилдаги мухлисларини ёдида узоқ вақт қолса ажаб эмас. Икки кун ҳам жонли ижро ўтказилган дастурда 30 40 йил олдин Исроилга кўчиб кетган ўзбек миллати вакиллари Бунёдбек Саидовга ташриф учун миннатдорчилик билдиришди. Хоразм санъатини жуда ҳам яхши кўришларини, юртимизни соғинишганини таъкидлаб ўтишди. Барча қўшиқлар томошабинлар жўрлигида ижро қилингани хонандани алоҳида қувонтирди. Концерт устоз санъаткор Ортиқ Отажонов ва Отажон Худойшукуров ҳам ёдга олинди. Дастур давомида машхур хонанда Абрам Толмасов билан дуэт қўшиқлар ҳам ижро қилинди.