Бунёдбек Саидовдан тез кунда навбатдаги видеоклип

Хонанда Бунёдбек Саидов янги клип тасвирга олдирди. "Капалак" деб номланган қўшиқ учун яратилаётган видео асар хонанданинг ижодида катта бурилиш ясаши кутилмоқда. Хонанда мазкур клип одатдаги клипларидан кескин фарқ қилишини маълум қилди. У бу клип устида Сарвар Собиров ва Нилуфар Собировалар билан ҳамкорликда ишлади. Актёр ва актрисалар, клип ғояси ҳам бутунлай ўзгача эканини таъкидлаб ўтди. Клип учун 4 та декорация ташкил қилинди. Бунёдбек Саидов ва унинг ижоди жамоаси мазкур ижод маҳсули халқимизга ёқиши ва мухлислари томонидан илиқ кутиб олинишига катта умид боғлаган. Демак кутамиз.