Беном гуруҳи "Севиёрум" қўшиғини тақдим қилди

Март ойининг сўнги икки кунида Туркиянинг Истанбул шаҳрида "Чунки бу биз" номли кино концертини тақдим этиш арафасида бўлган Беном гуруҳи йигитлари ушбу гастрол сафарига алоҳида тайёргарлик кўришмоқда. Улар Истанбулдаги концерт олдидан турк тилида ижро қилинган янги таронасини тақдим этишди. "Севиёрум" деб номланган мусиқий асар илк жарангидаёқ илиқ фикрлар билан қарши олинди. Бу қўшиқ кутилаётган концертда алоҳида ўрин олишига шубҳамиз йўқ. Тарона муаллифлари доимгидек Сарвар ва Комил. Албатта қўшиқни тинглаб, баҳо беринг. Турк тилидаги қўшиқ ҳам сизларга ёқади деб умид қиламиз.