Умидахон янги видеоклип суратга олдирди

Хонанда Умидахон айни дамда мухлислари учун ажойиб туҳфалар тайёрламоқда. Улардан бири шу кеча кундузда янги тарона учун тасвирга олинган видеоклипдир. Мусиқий асар "Айбим недур" деб номланади. Таронанинг яратилиши ҳақида аввалроқ маълумот бериб ўтган эдик. Энди эса клип ҳақида тўхталиб ўтамиз.

Умидахон видеомаҳсулотни тайёрлашда маҳоратли клипмейкер Дилмурод Агзамов билан ҳамкорлик қилмоқда. Тасвирчи ўз ишининг устаси Рустам Муродов. Клип трек ва сюжетдан иборат. Хонанда мазкур қўшиғи ва унга ишланган клипни биргаликда премьера қилишни режалаштирган.

Эслатиб ўтамиз, қўшиқ муаллифи Шахбоз Носиржонов.